अस्य आयि शरन चान्य घोननं

वनन यियि ना सोन

यि असि बन्योव ति कस बनन

वनन यियि ना सोन ।।

बनन ज़द छुय चे कुन वनन

कुस जानि बनुन सोन

येलि यस बनन तयलि तिम सनन

वनन यियि ना सोन ॥

घरि आस्य द्रामत्य न्यथनन्य त नंगय

तमि खोत् मंगय क्या

यि असि बन्योव ति कस बनन

वनन यियि ना सोन ॥

दर्शन् चानिक छुम अभिलाशी

गाशी अन चवापोर

नाश गछि पापन तिति छा बनन

वनन यियि ना सोन ॥

प्रथ ज़ायि वातिथ ख्यावन त चावन

हावान माया छि क्या

वुछ कम कम बल् वीर छनन

वनन यियि ना सोन ॥

हनि हनि वुछिथ तोति छिन् हमन

भ्रमन सारी डाल्य

ननि वान् पनन्यन कान्ह छुन सनन

वनन यियि ना सोन ॥

यीय सू वनन तीय गोम् कनन

बनुन कोताह क्रूठ

वनुन मुशकिल गव सत जनन

वनन यियि ना सोन ॥

यिमन यि बनन सुतिय वनन

सनन खालय कान्ह

नत् कुस पानस पानय सनन

वनन यियि ना सोन ॥

वनन कमला पननिस पानस

श्री भगवानस कुन

नत् यिय तस करुन तिय तिय छु बंनन

वनन यियि ना सोनू ॥

साभार: कमला रैना (चौगाम)