ल्वकटय आसिथ आयम वृदीय

स्यदी शक्ति गयम दूर

कम रंगकउरयनम ल्वकटिस पानस

छन् जानानस खबरय केन्ह ।।

आखर क्या वन् पननिस पानस

बेखबरी हुन्द ओस व्यवहार

येम्स युथ वुछ म्य तस त्युथ पानस

छन् जानानस खबरय केन्ह ।।

कम् ग्रायि लउजम मन् किस थानस

ज़म ज़म सातीय हय्चनम रेह

श्रह छुन वसन नोज़ुक पानस

छन् जानानस खबरय केन्ह ।।

फेरान आंसस मुलकस ज़हानस

पानस आसम मस्तीय सीत

बसतीय मन्ज़ आम वाराग पानस

छन् जानानस खबरय केन्ह ।।

कम कम रंग वुछ म्य यथ जमानस

पानस हुय्व वुछुम न कान्ह

कुस आसि शीतल स्वभाव यथज़मानस

छन् जानानस खबरय केंन्ह ॥

या कर साय म्य पान्य पानस

नत बे गानस क्या मंग बो

तिम ख्यना पानउ किन दिन बेगानस

छन् जानानस खबरय केन्ह ।।

वनन कमला पननिस भगवानस

सोजिना वनपुह गामस मन्ज

आराम कर हाव पननिस मकानस

छन् जानान खबरमकेन्ह ।।

साभार: कमला रैना (चौगाम)