कर जुवह व्यच़ार क्या छु लारुनये

आलव गोनये गोस

हय्सस प्योस यचकाल्य

घर गोस छोनये॥

ध्यारव रुसतुय जीनिम स्यठाह ध्यार

सात्य रुदुम बाज्यगार

बार बार हार ख्यथ वार् गोस छोन्ये

आलव गोनये गोस ॥

मुह मदकुय बापार गोस नोनये

अहन्कार किन्य वोथुस पोस

वुछ च़ोपार्य गट्कार गाट्जार छोनये

आलव गोनये गोस ॥

भवह सरह सदरस तार छुय सोनये

बोन्ठ आवलुनये प्योस

तारस तोर अपोर गोस कुनज़ोनये

आलव गोनये गोस ॥

भव् सर तार वुछ पख ब्रोन्ठ कुन्ये

वार् व्यसतारुन प्योस

बाज़र् चन्द छोन्य हयोतुन मन्दछुनये

आलव गोनये गोस ॥

कर्म फलकुय सोख दोख भूगुनये

मोख मोख रोज़नु प्योस

समयुक नाद गोस वाद वाद छोनये

आलव गोनये गोस ॥

त्यलि वुछ न कमलायि सोन त वोगुनये

यलि नाद गोनये गोस

कीवल नाव प्योस कीवल नोनये

आलव गोनये गोस ॥

साभार: कमला रैना (चौगाम)