श्यामस म्य वोन श्यामन

जामन ब पारह करसय

सोय छय म्य मनि कामन

जामन ब पार् करसय ॥

कम्यताम म्य खबर सूजम

सुय पयगाम बूज़ुम

तिय बूज़ सरि आमन

जामन ब पार् करसय ॥

पज्य पाठय गयस ब फलवा

पय च़ोन हय्वान हर जा

कात्यन रोटुय म्य दामान

जामन ब पार् करसय ॥

हयी बोन् सोन वोगनी

हनि हनि दित्यमय वनी

वननस ति गय कामन

जामन ब पार् करसय ॥

सुय ज़ानि यस बनीय

नतह हाल कस वनीय

सुय ज़ानि यमिस छय कामन

जामन ब पार् करसय ॥

वज्यनस ब कम्य कर्मन

खय गोम मोठुम ख्यन चन

तव् किन्य लजिस ब पामन

जामन ब पार् करसय ॥

मन् किन्य न काँसि स्यतीय

तव  किन्य न कान्ह प्रीतीय

सयीत सयीत नचान ब गामन

जामन ब पार् करसय ॥

अज़ताम वुछुम न कान्ह म्य

यति योर वनय ब क्या च्यय

पूर कर च मनि कामन

जामन ब पार् करसय ॥

हे नाथ करतम साये

आश चान्य जायि जाये

च छुख नेश्यकल न्यरनजन

जामन ब पार् करसय ॥

सथ वनतम सतय

बूज़िथ यियम वथय

नत् छुम मशान ख्यन चन

जामन ब पार करसय ॥

लोल कमलायि प्रोनुय

कमि छल् सु यिय् सोनुय

वनि क्या सुदाम मिसालन

जामन ब पार् करसय ॥

साभार: कमला रैना (चौगाम)