हर् हर् त्रांविथ घर् घर् कोरुम

वन् कस मन्दियन फरिम चूर

बेयि सन्दि दोपि हर हर् त्रोवुम

प्रोवुम क्या सना फरिम च़ूर ॥

वान्सा वाचिम म्य तस प्रारान

हारान आंसस अशि कनि खून

जून ज़न लज़िम अरेन अछन

त्युथ युथ प्यवान ज़खमन नून ।।

यि न राय आसम ती गव म्यये

बेकस पानस हय्चनम् रेह

हर मा वसि अमि कयामतय

म्य तय च्य़य क्या गव भउण ॥

क्या वन् क्या गोम नोजुक पानस

यति बो आसस तति नो कांह

यति त तति वुछुम सुये

सुये सुये बुय न कांह ॥

नज़रा कउरमय सारसीय जहानस

पानस पानस सारी छिय

तिम क्या ख्यन दिन बेयि बेगानस

यिम गय वानस कुलुफ दिथ ॥

आयस कति तय ग़छुन म्य कोतू

कमयऊँ कउरनम यिम रंग म्य

रंगन मंज बो रंगनय आयस

बंग् चन् रुसतुय लजिम म्य ।।

वनय कस कम्य म्य कोरनम छलय

दलय द्रायस बोज़्यम कुस

न वन् कॉसि तय न छम कलय

बलय चाने अनुग्रह स्यीत ॥

अज ताम कान्सि हन्ज़ ना म्य आशी

आश छम चानी करखय पछ

यति योर थविज्यम पननी आशी

गाशी अन्यज्यम दोन आलमन ॥

न छुम भभ तय नय मोजी

नय छुम बोय तय नय छुम बन्द

राजदान कमलायि छम चान्य आशी

च्य़ अभिनाशी थविज़्यम याद ।।

साभार: कमला रैना (चौगाम)