गॅअ-गॉअ व्यचोरूम गोशव सअती, दीदव डयूठुम तय वार् प्रोवुम।

शम तय दम के जीर्बम सअती, मन प्रान साजय रोटुम सूहम।।

क्याह भय त् क्याह जय छुस कुस त् कुस छुम, चस गूम मस च्यथ यस म्य रोटुम।।

वसनय नावि खस बोंठ तस सअती, अद् कुस कस सअत क्याह सअ गम।। क्याहताम युतनम त् क्याहताम प्रोवुम, क्याह म्य लोबुम तय क्याह रोवुम।

छॉढनि क्याह द्रास क्याह आम हअथी, नत् वन्त् सुय्य स्अत-स्अती छुम ।। वलगाव आव त् जाव क्याह सअ व्यचोरुम, क्याह गव त् क्याह आव प्राण होरुम

यति न्यथ पत्वथ सथ सूअत-स्अती, तति बॅयि क्याहताम केवल ॐ।।।

परद्येन ब् क्याह वन् क्याह म्य पनुन छुम, हरनि वावय जरदुन छुम ।।

वर दय बूंठ-बूंठ पत्-पत् वअती, परद् अन्दरी परापर वुछुम ।।।

होश कर गोश थाव प्राव ज़ीरोबम, नोश कर खूने-जिगर महकम।

बोश तमिकुय छुम होश् स्अत-स्अती, रोशि-रोशि रोशन अन्दरीय रोटुम।।

क्युथ युन त् क्युथ गछुन अपर वुछम ब्रम्ह, लोत्य् पअठ हमसू तय सूहम।।

पॉत-पोत रूज़िथ कोंत सुय वअती, मोत छुय सअती सॉत रोज़ शम।।

ब्रम्ह सोरूय ब्रमॉड हमदम ड्यूठम, रूशिथ रूजिथ बर त्रोपरुम।।

नेबरय चास अन्दर वुछुम ज़र्-जरअती, केवल निराकार सन्मोख वुछुम ।।

दुफ-दुफ छुम गछान व्यछनावहा ॐ, वुफने शिन्याहस द्रास पर फुटुम।

हॉप्-दोफ़ छोप् छय रोप् सन्ज़ सअती, पत् क्याह कथ बअविथ नेरॅम।।

पॉचन तोतन सअत बेय् पॉछ प्राण छिम, पाँचन त् दहन कुनुय पन तुलुम ।

खामस पोख्त् कॉरुम शक्ति वर सअती, दामस ब्रम्ह फॉसि मन्ज़ ब्रम्ह रोट्रम ।। कति छुस त् क्याह छुस कस क्युत होवुम, कुस येति माजि युथ प्राणायम।

प्योमुत छुस दजिथ सूरस सअती, ह्यस् रोज़ सोजिच् तारे लम।।

य भक्ति कस वनि बोज़ान कुस छुम, सोरुय त्रअविथ सुय सोदुम ।।

यति हसअ नस रटिथ वुछमय कअती, तति नो च त् ब् ईको ब्रम्ह ।।