बोजुम दयाल सतगुरू, प्रसन्न बनिथ इय दान दिम ।

शुद्ध बुद्ध त दृढ़ विश्वास पूर, भक्ति सम्यक ज्ञान दिम ।।

बिनती म्याने कन च थाव, सहज अवस्था प्रावनाव ।

दर्शन पनुन चोपोर हाव, सदाशिवो निरवान दिम ।।

अनुग्रह पननुय करतह पूर, वासनायि म्याने करतह सर ।

हृदयस विक्षप्त मल करतह दूर दूरय करिथ अज्ञान दिम ।।

सुरतई खसज आकाशसई दृष्टी दरज प्यठ गाशसई ।

आर चे इयिन अभिनाशसई, ज्ञान रव चमकान दिम ।।

सुरतस त शब्दस म्यूिल मे कर, सुरत बनावुन म्योन थ्यर ।

पननिसई धयानस अन्दर, लय करिथ मन प्राण दिम ।

गरि खोतह गरि बडराव में भाव, दोहय पननुय सायि थाव ।

सारह शब्दय बोजनाव, दर्शन दवन दवान दिम ।।

मरिथ दूबारह ग छनो ज़्योन, समतायि अमृत गछहबों चोन ।

मंगुन मे कांसि केह ना प्योन, ओरजुव दरेकोठि सान दिम ।।

अन्तर आत्मा म्योन चई, भासुम त कासुम सौर दुय ।

चय चय वुछित इह शर मे छुम थलि २ वुछुन भगवान दिम ।।

सन्तन त सादन हुन्द इह संग, भक्ति रंगय स्यीत रंग ।

निरलीप थावूम मे असंग, शांती शमय कल्यान दिम ।।

च्यतह गुरिसई कात्या छि ज़ोर, वावस ति ब्रोठ द्राव तुजिन दोर।

पोशन ना छुस, छुस कमज़ोर, रटिथ टकन टकान दिम ।।

यकदम चल्यम सारई कसर, पापन पोन्यन प्येठ कया हसर ।

बस छम मे चानी अख नज़र, सोय कर गोवेन्दो दान दिम ।।

सतगुरू दयाल सायस छु यस, परवाय गोवेन्दह क्या छु तस ।।