घरे द्रायोस हिन्दस आयोस करिथ प्रक्रमाह ।

अमा यारो दिलस ओसुस साह्यब सुन्दुय तमाह ।।

ब हो बायो माँछ तुलर वनच्य जानावार।

व्यूर तुलम गुलन गुलन सुये कोरुम जमाह ।।

पोंपूर द्रायोस गाश छारान यि गाश कत्यू आव ।

दमस मंजई पानई जोलुम घरे छम शमाह ॥

बुलबुल ओसुय नालह दिवान गलशन छारानई ।

गलशन डीशित मस्त हो गोवूय ओसुस प्रयमाह ।।

पोंपूर ओसुस छारान शमाह प्रारान करस गथ ।

ग्वोडह दोद्ध शमाह अदह आव पोपुर योहय छुय क्रमाह ।।

साक्षात विष्णु परम संत नन्दन पज्य पाठ्य न्यरबन्दन ।।

तिहंद्यन चरणन कलह छुस वन्दन छुख नमो नमाह ॥

बनारस अन्दर वुछ तनकोडी चन्द्र संत ।

साक्षात ब्रह्मा प्रयमह बरिथई फोलवुन मुख पमाह ॥

शाहपोर सम्ख्योम कामिल यूगी संत लाल प्रकाशिय ।

कमायि कुला मेवह बर्यथई ज्यूनमुत तम्य यमाह ॥

स्वामी रामई ओरय आमई तम्य तमामई भोव ।

दया-दृष्टी करिथ म्य गव करनमई क्षमाह ।।

ज्ञञानह सदुर दया सागर संतन हुन्द सरताज़।

पूरण कला साक्षात शिवई वुछिथ चवोलुम गमाह ।।

प्राणह यूगी ज्ञानह यूगो कशीरि अन्दर वुछ ।

संतव सारेव समित करहम कृपा दया अमाह ॥

गोवेन्द ओसुय सतगुरू छरान, रान कोत कोत वोत ।

पतव टोठयोस ओरय पानय वनि कस आलमाह ।।