मंजिमे वति मंज़्य मंजिलन गछ
Swami Govind ji
मंज़िमे वति मंज्य मंज़िलन गछ,
स्यीत मंज़िमयोर गछि आसोनुय ।।
राजह यूगी येलि वीगिस ख्वोत,
शक्ति पातह दातन वुछनस योत ।
युथुय हिहोर हय गछि आसोनुय,
मा स्यीत मंज़िमयोर गछि आसोनुय ।।
वजि लज्य स्वरनय बजनि लग्य डोल,
हूरह लजि वनवनि आव यज वोल ।
सोज़ स्यीत तोर गछि आसोनूय,
स्यीत मंज़िमयोर गछि आसोनुय ॥
क्या ज़बर शक्ती क्वोर वोलास,
करनाविह तस्य स्यीत्यन सु अथवास ।
पननुय गुरू हय गछि आसोनुय,
स्यीत मंज़िमयोर गछि आसोनुय ॥
त्येलि छु पोज़ येलि महाराजह बने,
महारिज जीनिथ घरह अने ।
अनुग्रह तोरय गछि आसोनुय,
स्योत मंज़िमयोर गछि आसोनुय ।।
म्येति कोर अनुग्रह तम्य दीवन,
परमह शीवन सतगुरून ।
गोवेन्दह लोल गछि आसोनुय,
स्यीत मंज़िमयोर गछि आसोनुय ।