अछपोशन करयो मालो  बोज़ आलव ही गणीशे।

आदि दीवय इत् म्यानि सालो

बोज आलव हीगणीशे।।

1

डेडि तल चानि गोंड आस लारान,

बेढि नअल छम अज्ञान् चे।

आश चअन छम बोज़ख सवालो,

बोज़ आलव हीगणीशे ।।

2

शिव सन्दि टाठि व्यग्न् नवारो.

छय चे अनवार सारन्य बूंठ ।

त मअज पारवती छय बरान थालो,

बोज आलव हीगणीशे।।

3

गज़मोंखदार मूशक्ति वाहन,

भक्ति रक्षि वअतथि च हन हन

शक्ति हुन्दय चावतम म्य प्यालो,

बोज आलव हीगणीशे ।।

4

दोह त् राथ चअनी कल यिमन्य,

छुख च तिमन्य व्याद कासान।

बासान छुम इहम कअल् कालो,

बोज आलव हीगणीशे।।

5

गणेशे छुस ब दास चूनुय,

वास दिम म्य च्य चर्णन तल।

पास करतम वेजगत पालो,

बोज आलव हीगणीशे।।

6

छम न् विद्या छुस ब् अनजान्य,

गुण चअन कुस हेकि गन्ज़रिथ।

ज्याद् क्याह वनय छुम युतुय मालो,

बोज़ आलव हीगणीशे।।

7

घेर् भक्तिस कोर चअन लोलन,

नेर् कोंत त्रअविथ ब दामन।

जेर् छुम इवान फेर् बअल् बालो।

बोज आलव हीगणीशे ।।

अछपोशन करयो मालो

बोज़ आलव हीगणीशे।

आदि दीवय इत् म्यानि सालो

बोज़ आलव हीगणीशे ।।