न तति मजद न तति फनाह, अमा सना पथ क्या रूद।

न दोगुना न कुन ज्वोना, शिना ततिनस गव नाबूद ।।

यपार्य चोपार्य सुय पानह छुना, अमा सना पथ क्या रूद ।

बुद्धि अभाव न रूद मना रिन्दह अथ जाये गय रबूद ।

ज्यव वूठ न फोरान वञ क्या वना अमा सता पथ क्या रूद ।।

कुनिरस चानिस छुम न छयना यि मन्दछुना १थ केह न रूद ।

साक्षी असाक्षी विलक्षणा, अमा सना पथ क्या रूद ।।

न केह आसुना न नआसुना, भासुन अभासुन न तति रूद।

बु क्या वना रूद्य च न बुना, अमा सना पथ क्या रूद।।

पानस त तस जोनम न केह ब्यना, पान ज़ानिथ रिन्दह जिन्दय मूद

गुणातीतस कति पुञ त गुनाह, अमा सना पथ क्या रूद।।

इय जाननस मंज़ इयि तति छुना, पानय प्रज़नाव बनिय बुद ।

पान म्वच न जाननुक जानुना अमा सना पथ क्या रूद ।।

दुय त्राव इय ब्वोड सुमरण त सना हमसू त्राविथ छोन स रूद ।

दमह दमह सुय स्वर कर सुमरणा, अमा सन। पथ क्या रूद ।।

हमसू स्वरतो चई रात द्यना, संकल्प वेकल्पन कर शद ।

अखंड अनूप पथ न्यरगुणा, अमा सना पथ क्या रूद ।।

न केह प्रावून न त्रावुना, सुय पानह छुना क्या रूद मूद ।

ओरह योरह पानय नारायणा, अमा सना पथ क्या रूद ।।

भ्रमई ओसुय युन त गछुना, गालिथ वासनायि बेयि काम ऋध ।

बाकय न हिसाब ज्वोन मरुना, अमा सना पथ क्या रूद ।।

वछि वालिजजि प्रणवई मनि खना, तर सरह कर ओमकुय विनोद।

येम्य दय सोर ज़ोंन तस केंह न ऋणा, अमा सना पथ क्या रूद।

अस्यति भाति प्रेयि रूप तस केंह न ब्यना,

हनि हनि मंज़ छ्य सुय मूज़द ।

पूरण सतचित आनन्दघणा, अमा सना पथ क्या रूद ।।

कुनिरुक गोवेन्दस गव सना, कांसि स्यीत रूदुस न मित्रत विरूद।

पानह सान शिव जोनुन पनह पना, अमा सना पथ क्या रूद ।।