चानि बापत म्य तोशन तोशन, करि पोशन पोशे मालय ।।

गछि डबि अछि पोश वोथरनई, लछि नावि प्रारनई छुस ।

वछि ह्ययम भ्य अछि दारि रोज़िरोशन,

करि पोशन पोशे मालय ।।

मन निथ छ्यफ दिनथ कते, मारह मते मोनरोवथस ।

अख न मन्दछन ब्यया नई रोशन, करि पोशन पोशे मालय ।।

तोतह बोज़तो हतो वन हारे, सानि बारे लोलह हिय फोज्य ।

लज्य फुलय बेरन बठ्य न गोशन, करि पोशन पोशे मालय ।।

बोलु बुलबुलो आव हो बहार,

वुछतह फोल्यमित्य छिय गुल गुलज़ार ।

सूभहबञ क्या छि इम गुलशन, करि पोशन पोशे मालय ।।

यम्बरज़ल फोज्यसह बोम्बरों, च्यतह व्यरो इतमसह ।

नालह रटहथ छसय नो पोशन करि पोशन पोशे मालय ।।

मनोहर श्यामह सून्दरो, इतह घरो नाल्य छनहय ।

शर छुम करहय पोशि वर्शन, करि पोशन पोशे मालय ॥

इतह म्य नितह गरडस क्यथई, गछि सथई तीय वूछान ।

अथि शंख गदा पदम सूदर्शन, करि पोशन पोशे मालय ।।

रेयि प्हठह ब्रह्माजियिसई तात्र, आज छस ना चानिय प्रय ।

दोवन सर्व जीवन मनुष्यन, करि पाशन पोशे मालय ।।

बालि प्यठ वोतूम छारानय, नाराणय कति छ आसन ।

गोवन्द प्रछान साह्यबि होशन, करि पोशन पोशे मालय ॥