न्याय येलि अन्दीय अन्दवातीय त्येलि ज़वह तोशीय,

हा गोवेन्दो परमह शिवस लागू लोलह पोशीय ।

हा गोंवेन्दो त्येलि काड्यन ति फोलहनय पोशीय ।।

दयायि अमृत वरशुन यस क्वोर परमीश्वरन ।

सु नो रिवन यस दिवन सुपननुय होशीय, हा गोवेन्दो ।

करसना न्याय म्योन अन्दीय, वनतो तस परमीश्वरस ।

प्रारान छुसस इयस ना पनुन जोशीय, हा गोवेन्दो ।

पुशिरिथ पान रोज़ त्राविथ सारिय होशिय त वोशिय ।

तथ्य मंज़ न खुश रीज़ यथ मंज़ सु रोज़िय खुशिय,हा गोवेन्दो।।

अजताम यि प्यालय क्यीत्यव चव संतव त साधव ।

चह हो शिवई च्वोन पूरह पाठिय च मो रोशिय हा गोवेन्दो ।।

सतचित आनन्द सतगुरू सु गोवेन्दुन जुव ।

शिव पान पानय चावान अमृत करू नोशीय, हा गोवेन्दो।।