गाहे इवानई गाशिय छु बोज़, गाहे दिवानई छयफ छु हू ।।

गाहे गछान मन प्राण बन्द, गाहे मशानई हफ छु है ।।

गाहे खुलय गव नादह ब्यन्द, गाहे छोपय दरवाज़ह बन्द ।

गाहे छ मालिक अन्दह बन्द, गाहे सु पानय दफ छु है ।

गाह अवस्तायन त्रन अन्दर, हशियार तति रूद्य यूग्यन्दर ।

सुन्दर वूछानई छय सुन्दर, पननूय जपानई ज़फ छु है ।।

गाहे दरान गुरू सुन्द ध्यान, गाहें छ शश गुरूसई वूछान ।

गाहे छु दोशवञ कुन बनान, आश्चर यि छुय नय गफ छु हू ।।

गाहे ग्यवान लोल म्य, जानी जानन वोल म्य ।

सतगुरू माज्य तय मोल म्य, गोवन्द करिथ तस थफ छु हू ॥