नादह-ब्यन्दहचे वति तूर्य लारू सुन्दरो,

लार सुन्दरो सतगुरू-द्वार सुन्दरो ।

सतगुरू-द्वार क्या छु शूभिदार सुन्बरो ।।

गुरू-शब्दस प्यठ खस वात अन्नाम,

त्येलि च्यह प्रणाम छुय नमस्कार सुन्दरो।

तति गाशिय गाशिय छु परमह आनन्द,

प्रय बन्द बन्द कर तूर्य लार सुन्दरो ।।

लछि बद्य सिरियिह चन्द्रमह मन्दछानई,

चमकानई त्युथ चमत्कार सुन्दरो।

पान पुशिराव याद थाव त्राव कथह कथ'

कथ छ बकार कथह गाटहजार सुन्दरो ।।

प्राव स्यज़रई शोज़रई त पज़रई चई,

सुय वाति यस छुय पानहन्यार सुन्दरो।

ज्ञानह नेत्रव वुछ अन्तर त बाहर,

छुय सतगुरू करबा ब्यनार सुन्दरो ॥

सत सुमरण च्यतह फुरना गयि बन्द,

त्वोब सु आनन्द अपरम्पार सुन्दरो।

सतचित चई न्यत चई आनन्दई,

गोवेन्दई धारनायि धार सुन्दरो ।।

शब्दह सवारई च सपद्योख कोरुथ गगनस सैल ।

स सू वज़ान चोपारी हय हा गोवेन्दो ॥