महिमा छु चोन अपरम्पार, युथ न पनुन महिमा मशिय।।

शुभीय ति चेय नमस्कार, यूथ न पनून महिमा मशिय ।।

शुद्ध विज्ञानह गाशुक च गाश, मिल अभय स्वयमप्रकाश।

अमर पुरुश च्यह जाह ति न नाश, युथ न पनुन महिमा मशिय ।।

निर्विकल्प तय निर्विकार, स्वतः स्यद्धी चई शूभिदार ।

सतचित आनन्दई अपार, थुथ न पनुन महिमा मशिय ।।

युथ नो दिह-बुद्ध जाह गछिय, युथ न पान पनुन छुनहन लछिया

मूर्खन रोस्त काँहनो यछिय, युथ न पनून महिमा मशिय

प्रथ चीज़सई मंज़ तीज़ चई, प्रथ बीजकुय छुख बीज़ चई ।

प्रथ चीज़सई मंज़ चीज़ चई, युथ नो पनुन महिमा मशिय।।

यूगी मुनी संत दीवता, शुम्भू, उमा, विष्णू ब्रह्मा ।

सारिनई चोनुय छुय तमाह, युथ नो पननुय महिमा मशिय ॥

शास्त्र पुराणई छिय ग्यवान, कारन ति धारन चोनुय ध्यान।

अभिमान दिहुक त्राव प्राव ज्ञान,यथ नो पननूय महिमा मशिय ।।

सत शब्दई बोज़ थाव कनई, परिपूर्ण चई च्यत गणई ।

विज्ञजनह रव नारायनई, युथ नो पनून महिमा मशिय ।।

अकालह रुप अजर अमर, शुद्ध शांत अलोकिक आश्चर ।

गोवेन्दह सू हम सू च स्वर, युथ नो पननुय महिमा मशिय ।।