हावह भावय रूप तय नाव, वरज़िथ रूप तय नाव ।

इय ब्यन्द हय तिथ स्यन्द हय, गोवेन्द हय कल द्राव ।।

कतरह कतरह हय दरियाव हय, मंज़ कतरन छ दरियाव ।।

इय ब्यन्द हय तिय स्यन्द हय, गोवेन्द हय कुल द्राव ।

जलई ओस ज़लई छह ज़लई रूद क्या मद ।।

जलह मंजय ज़लई द्राव, जलसई मंज़ जल चाव,

इय ब्यन्द हय तिय स्यन्द हय, गोवेन्द हय कुल द्राव ।।

ब्यन्द स्यन्द नतह वननहकिन आव अकि मंज़ह अख ब्योन द्राव,

मायय छय न्याय अन्ज़राव, ब्यन्द स्यन्द ब्योन म गंज़राव ।

इय ब्यन्द हय तिय स्यन्द हय, गोवेन्द हय कुल द्राव ।।

स्यन्दह मंज़य ब्यन्द छु नेरान, इय मानि ज़ानि प्रथ काँह ।

गोवेन्दो खाल काँह यि मानि, कतरह मंज़ह दरियाव द्राव ॥