जय निरजज़न स्वर भाग्यवानय,

बंदगी कर सुबह शाम सुन्दरो ॥

सुमरण कर गोडहनिकि थानय,

त्रेय बन्द, बन्द कर ताम सुन्दरो ॥

स्येदि स्योद गगनस वूछानय,

गाशि तारुक स्यमंज़ द्राम सुन्दरो ।।

घंटायि शंख ज़ोंरह शोरह सानय,

छिय बज़ान अमि मूकामह सुन्दरो ।।

सहसरह दलह वुज़ मलह वोथानई,

वुछ ज़ रदई सुरख श्याम सुन्दरों ॥

ओम स्वर ओम बोज़ ओम थानय,

इय छुय मूलह कलाम सुन्दरो॥

वाह कोंसुम रंग चमकानय,

रम्बहवुन रव तति द्राम सुन्दरो ।।

संतव मानसरह कोर श्रांनई,

अमृत चोख दामह दामह सुन्दरो ।।

रारंगह स्वरह सारंगह वज़ानई,

रारंगह बोज़ रामह रामह सुन्दरो ।।

छोत रव खोत गव मंद्यानई,

मुर्ली बडि धूमह धामह सुन्दरो ।।

अलख अगम शुद्ध विज्ञानय,

राधा-स्वामी अन्नाम सुन्दरो ।

पुनिम हुन्द चन्द्रमह जोतानय,

गटि मंज़ह सुय वुछाम सुन्दरो ।।

सूहमसू स्वर सू थानय,

बोज़ ब्रह्मान्डकि बाम सुन्दरो ॥

सत शब्द सतनाम वेमानय,

सत बोज़ सतके ग्राम सुन्दरो ।

लछि बद्य सिरियि तोर मन्दछानय,

त्यूथ गाश सतके ग्राम सुन्दरो ।।

सतगुरू दयाल भगवानय,

प्रथ मूकामह स्यीत आम सुन्दरो ॥

गोवेन्दह सुय चोन जुव त जानय,

बोज़ रोज़ सान आरामह सुन्दरो ।