जीवो कति आख कुस छय चोनूय घरह ।

वनतम सू सरह कोरथा जाह ।।

कति प्यठ आमुत यि जीव किथह पाठ्य गोमूत खरह।

वनतम सू सरह कोरथा जाह ।।

अमर आसिथ कथ लोगय मरह मरह,

अमर पानई स्वोरथा ज़ाह ।

हरगाह स्वरहख चलहानय अरह सरह

वनतम सू सरह कोरथा जाह ।।

अखतुय फोरिथ यमस छि चान थरह,

सत-शब्दह मन्त्र पोरथा जाह ।

जरह कथ चावुय हय ही अज़रह ।

वनतम सू सरह कोरथा जाह ।।

कथ लुगमुत छुय क्या करह क्या करह,

अभिमान ई होरथाज़ाह ।

हरगाह हरिही त्येलि आसिय दरह दरह ।

वनतम सू सरह कोरथा जाह ।।

गोवन्दह वुछबा शिबहकि आगरह,

आत्म-ध्यानईदोरथाज़ाह ।

आश्चर छुख चई वूछ बा आश्चरह ।

वनतम सू सरह कोरथा जाह ।।