रुम रुम ओम बोलह नाव लोलह ललहनाव सू सू ।

परमह ज्योति रूपस स्यीत मेल, रात दोह तथ्य स्योत खेल ।

तेल पानस सिरियि शोलनाव, लोलह ललहनाव सू सू ।।

सत धाम वात पख जल जल, स्येद्धियन हंज़ त्राव कल ।

दरवाज़स तल डोलहनाव, लोलह ललहनाव सू सू ॥

ह्य छ वायून कर ने तगी, नतह माया काल ठगी ।

इनह बा लगी चे दोलह नाव, लोलह ललहनाव सू सू ।

वथ छय अछ मंज़ नादह ब्यन्द, शब्दह स्यन्द द्राव नादह ब्यन्द ।

गुरू सून्द गोवन्दह कोल नाव, लोलह ललहनाव सू सू ।।

पानह सानई सोरुय गोवेन्द छ्य हा गोवेन्दो ।

छारन यस रात द्यन च सुय हा गोवेन्दो ।