वाव न अचन पनहबरगस
Swami Govind ji
वाव न अचन पनह बरगस वावहकुई ताकत छु क्या।
पनहबरग छुनह अलन, चानि हुकमय रोस्त ।।
जलयं ज़ाल नय छेने सासह बद्यन वीरनई ।
हार हिमत वीरह बलन, 'चानि हुकमय रोस्त ।
प्राण खसन प्राण वसन, प्राण बसन मंज़ दिहस ।
आश्चर छु छुनह चलन, चानि हुकमय रोस्त ।।
अवशदकुय क्या छु ताकत, रूगई चलहरावनई ।
दाद्य लद्यन दाद्य न बलन चानि हुकमय रोस्त ।।
प्रथवी नय अन्न दिये, भूमी नय सब्ज़ी इये ।
कुलिनई नय पोश फोलन, चानि हकमय रोस्त ।।
इन्दर चन्दर यम त कारन, दीवता तारागनई ।
कदमस नय तिम छि डलन, चानि हुकमय रोस्त ।।
गोवेन्दने हा जुवो परमह शिवो चेय हों लगय ।
सन्कल्प मन नो तुलन, चानि हुकमय रोस्त ।।
आश्चर चोनुय वूछानई, शरमन्दह गव गोवेन्द ।
सन्कल्प मन नो तुलन, चानि हुकमय रोस्त ।।