बु त हू इय छुय बहानय ।

ओरह योरह वूछ शिव पानय ।।

पानसई मंज़ सु सर्व व्यापक पानय गुरू तय पानय सीवक ।

पानय पूजा पूज़ तय पूज़क, इम विह चानी नारायणय ।।

पानय शब्द पानय नयी, पानय मयखानह त मयो ।

पानय साकई चनहवोल दयो, पानय नशि तय पयमानय ।।

छाज्याव यूस ओस असि निशे, सतगुरून हंदि उपदीशे ।

प्रजह नाव सुय असि रोस्त न मिशे, त्राव अपज़िक्य गुमानय

लोलह सान स्वरुम म्य पानय, भवसरह तय गयि दिह जानय ।

जिन्दह पानय द्राम अरमानय, दय ज़ोंनुम सोर पानह सानय ।।

चठ येति यम भ्रमह फाँसी, दीशि कालह रोस्त निवासी ।

जोन पान संकल्प ठासी, करिथ केंह न करानय ।।

याद क्वोर पानय ल्वोगुम तार, स्वयम प्रकाश निविकार ।

नम. च्यह चई आत्मा सार. नावह रूपहकुय अधिष्ठानय ।।

च्यह नीशि द्राव न्वोंन हर शयी, चानि स्यीत सार्यसई छु ज़यो।

चेय मन्ज़ई गछि लयीय, आश्चर च डि भगवानय ।।

पान यूस ज़ानून सुदूरह वतई, मोजि ह्य व ज़ानुन जगतई ।

प्राविथ तिम गयि परमह गतई, इम जानन तिम मस्तानय ।।

शीशि नाग सासह मूखह गीत ग्यवन, चानिय नठ नठ छस ज्यवन ।

कुन वनुन ति इति प्यवन, रिन्दह मूद्य ज़िन्दह ह्यथ अरमानय ।।

सुय रंग मूशुक तय गुलई, सुय बागवान कुल बुलबुलय ।

शिवई जानन कलय, बन्द जीव गव दिह अभिमानय ।।

तिहिंदि लोलह गयि योर अछिय, तोर चोपोर सुय दय वुछुय ।

जानि दिह अभिमान युस मुछिय, दुय त्राविथ सुय मुछानय ।।

दयि संज्ये यूस वेरे दीशि दीशे छारनि न्येरे ।

सनि त वोगनि बठ्य तय बेरे, घरि छुस दय हा देवानय ।। ।

सतचित आनन्दकन्दह गोवेन्दह, निरद्वन्दह चई अन्दवन्दो।

चई मोल माज्य बौय तय बन्दो नित्यानन्दह रूपह हा पननि जानय ।।