वुनि आदन होशस पेह, समतायि अमृतई चेह ।।

मनि कास्यज़ि छाय तय ग्राय, सार सूहम पत कुन द्राय ।

केंह न परवाय अदह हो च्यह, समतायि अमृतई चेह ।।

हम हम क्या छुय वननुय, मनि सू सू पज़ि खनहनुय ।

वुछ सुय सोर मूरई तेह, समतायि अमृतई चेह ।।

ज़ोन येभ्य पानह सान दय सोर, तस पापन हुन्द वोथय बोर ।

तम्य तो पान यस दयि श्रेह समतायि अमृतई चेह ।।

चल्य संशय मनि गन्डई, सतचित-आनन्द ब अखन्डई ।

ठन्डई मन गछुन छु मेह, समतायि अमृतई चेह ।।

शुद्ध परिपूरण गगन वत, निरलीप चई ख्यथ तय च्यथ

दिह अध्यासई जान बोड वेह, समतायि अमृतई चेह

हम सू सू हम सू स्वर भवह सरह तर ज़िन्दय मर

लोलह नारन गन्डनय रेह, समतायि अमृतई चेह।

जोनुम यनह पनुन पान, तनह शान्त गोस द्राव अरमान ।

कून्यर गव म्य त च्यह, समतायि अमृतई चेह।।

खाम हाशि गोजि पोप हरुद, कुस पनुन तय कुस परुद ।

जोन येम्य शीवई जेह जेह, समतायि अमृतई चेह ।।

स्वरि पान पननुय वनि काँह हाल, युस स्वरि बनि सुय अकाल ।

अभिमानह रोस्त चई खेह चेह. समतायि अमृतई चेह ।।

गोवेन्दह पान मो मशिराव, सर्व-आत्म भोवई प्राव ।

जिन्दह मर रिन्दह चलिय हेह, समतायि अमृतई चेह ।।