चमि तस्य चम इयस न वनि वुछ हनि हनि सदाशिव ।

पानह सान ज़ोन शिवय सोर, इय यूगकोर असि पान तोर।

ज्वोप सूहम चज्य दुय मनि, वुछ हनि हनि सदाशिव ।।

जलह मंजह पदमह पत्र वत, निरलीप ख्यत च्यत दिथ या ह्यथ ।

सतचित आनन्द चेय वनि, वूछ हनि हनि सदाशिवह ।।

कर तस शिवस पत गथ, सूय सोर चव समह अमृत ।

अस्ति-भाति प्रयि सनि ओगनि, वूछ हनि हनि सदाशिव ।।

लोलह नारन कोरनम सूर, मूर्खन निशि रिन्दो दूर ।

ननि तस यस पानस बनि, वुछ हनि हनि सदाशिव ।।

बालन छालन फेरन छारनि दय छिय नेरन

दय तति कति इयख वनि, वुछ हनि हनि सदाशिव ।।

गोलय यस अहम भाव, वनि हनि हनि तस शिव आव

चख दुय त्राव छुय गोंठ कनि वुछ हनि हनि सदाशिव

तिहन्जे वेरि यपार्य ब गोस, नोपार्य सुय भ्य तपार्य बोस

चमह भाव चवोल यस ननि, वुछ हनि हनि सदाशिव ।।

सतगुरुन हुन्दुय सोव, चरण जान सुय परमह दीव ।

भवह सरह तरि यस लोल गनि, वुछ हनि हनि सदाशिव ।।

येम्य वारह पाठ्य पानई सोर, सुय येति तोर दयन वोर ।

प्रणवई युस मनि खनि, वुछ हनि हनि सदाशिव ।।

ओमई हम ओम, गम बम चोल जोन सोर सम ।

भ्रम ज्योन मरुन रिन्दह कस वनि, वूछ हनि हनि सदाशिव ।।

गोवेन्दह मत कर कुछ, करनस त न करनस वुछ ।

इय करुन ति पानय छेनि, वूछ हनि हनि सदाशिव ।।

मिसलि मधहम छय यि आलम, येमि मकामय खुश यस ।

तनि मकामय वायिनई छुय, मिसाल साज़न्दर छु दय ।।