आनन्द अमृत असि चव
Swami Govind ji
आनन्दह अमृत असि चव, कून्यर गव म्य तसई ।।
यूग ज्ञाजान हैरतस प्यव, अभाव बद्धि त मनसई ।
वठ फोरन न कज्य गयि ज्यव कुनयर गव म्य तसई ।।
अन्दर अछ शिबह प्यठ दव, भ्रह्मांड बरजस खसई ।
गोफायि मंज वुछिय शिव, कुन्यर गव म्य तसई ।।
पवन दवन रवा रख, तस पतह पतह मतिसई।
स्वरानई खस प्रणव, कुन्यर गव म्य तसई ॥
हुबाबई ज़लई गव, हुबाब म्यूल जलसई ।
फरक नो तथ अख ज़व, कुन्यर गव म्य तसई ।।
शिवई हम हमई शिव, लोलह नारह दद्य वनह कसई ।
सतचित आनन्द विज्ञानह रव, कुन्यर गव म्य तसई ।।
बौदह द्वधस ज्ञञानह ग्यव, ख्यव इमव तिम मसई।
सत गुरून पथ चई छिव, कुन्यर गव म्य तसई ।।
पननुय हाल कस वनव, वनि क्या ज़ाँह न बनि यसई।
मोकलि निशि मरनह ज्यनव, कुन्यर गव म्य तसई ।।
अकिसई येलि सिफर थोंव, तथ नाव दह त लछ सासई।
सिफर तुल न दह सव, कुन्यर गव म्य तसई ।।
गोवेन्दो करुन थव पाव पानई च्यतसंई ।
अज्ञानह नार येलि असि चब, कुन्यर गव म्य तसई ॥