हृदयिकि दरवाज़ह अछु कर परवाज़ ।

छु य वज़न साज़ ज़ोरहबम त लो लो ।।

हर दम होश थव सरह कर इ आवाज़ ।

अथ मंज़ छिय ज़ह आलम त लो लो ।।

ओम शब्दह गाश आव ओमई छ जहाज़ ।

खस गगनस करिथ ओम त लो लो ।।

सैल ला मकानन कर बन च शहबाज़ ।

हंसन स्यीत दि कदम त लो लो ।।

इथह पाठ्य मन्ज़िल लगि न दूरि दराज़ ।

जल वाति जीव आगम त लो लों॥

सतगुरू दीशस वाति काँछा शाज़ ।

सुई वाति यस छु प्रयम त लो लो ।।

ज्ञान प्राव याद थाव माज़स मो माज़ ।

संतन खोलान यम त लो लो ।।

गोवन्दह सतगुरूव होवुय भोवुय च्यह राज ।

परमात्मा चई उत्तम त लो लो ।।