कनन कनई थाविथ हुशार डाफ त्राविथई रोज़ ॥

तमिस रातस दोहस जाग, वज़न स्यठा मधूर राग ।

बोजि युस तस छि बड्य भाग्य, हृदय फोलहनाविथई रोज़ ।।

करुन उदगीतसई संज़ गछिथ ईकान्तसई मंज ।

मशर संसार्थ दिह कंज, मनई शोमराविथई रोज़ ।।

ग्यवून ह्य प्राणह स्यीतीय, इयिय अथि ध्यानह स्यीतीय ।

हृदय फोलि ज्ञानह स्यीतीय, सदा सू चाविथई रोज़ ।।

गछिई मन प्राण बन्दई, खुलिई अदह नादह-ब्यन्दई ।

वुछख रव शुक्ल चन्दई, अन्याय अन्जराविथई रोज़ ।

बुछ आकाशि तीजह मंडल चटिथ ब्रोंठ नेरू जल जल ।

गुरून ह्योनुय पनुन बल, अन्नामई प्राविथई रोज़ ।।

खबर बोज़िय खबरदार, इशारन बोज़ि हुशियार ।

अछन मन्ज़ई छुन यार, सु सोर व्यपराविथई रोज़ ।।

कनन अछि कन अछिनई, छि तथ जाये बनानई ।

करनह स्यीतीय ननानई, वोनुय कमाविथई रोज़ ॥

गुरूव यि मे वनून वोन, तवय म्यत्ये कोरुय नोन ।

दितूहम लोलह भस च्वोन, च पान पुशिराबिथई रोज़ ।

फलह कुल येलि पप्योवुय, तमिय कलह न्यमरोंवुय ।

गुरूव असरार भोवुय, चत्ये न्यमराविथई रोज़ ।।

गोवेन्द करिह्य न कांह कथ, तमिस तोरच्य छि हरकत ।

गरुव करहम मे बरकत, दुये चई त्राविथई रोज़ ।।