बार बार व्यचार
Swami Govind ji
बार बार व्यचार वुछतह क्या गव
यम त पानन्यार वुछतह क्या गव।।
याद पाव श्रीराम सुय वन कुय ।
छोटय चूंठ्य सिवरायि हंद्य ख्यनकुय ।
मनकुय इ मिलचार वुछतह क्या गव ।।
राधायि हंद्यि त्वोत दूध च्यनह स्यीत,
कृष्णस बस्तह खचह लोल ह्यनह स्यीत ।
ख्यनह स्यीत आहार वुछतह क्या गव ।।
पोंपर्य पानय पान ज़ोलुन,
दिया अभिमानह मदह वोलुन ।
चालुन लोलह नार वूछतह क्या गव ।।
दिचनस ब्येनि बेयि सम्यक ज्ञान,
अरज़न दीवसरूद रथहबान ।
भगवान अवतार वूछतह क्या गव ।।
दरिद्र सुदामस कमि क्रयिय,
कोस शरणय भगवतसय गयिय ।
दयि सुन्द दरबार वूछतह क्या गव ।।
प्रेयमस पंज़ सोरुय छुय माफ,
यस प्रयम तस हरन दुख तय पाप।
संताप यकबार वूछतह क्या गव ।।
लगयो दीनबन्धह दया - स्यन्दह,
राधास्वामियस जव बुति वन्दह ।
गोवेन्दह गमखार वुछतह क्या गव ।।