सू सू करान सू दिथ ज़ोर गोम,

तोर गोम यलय वज़ान छु सू ।।

सू सू छारान पानस सर गोम,

नाभि-कमलह वज़ान छ सू ।

ग्वडह ग्वडह मन म्य ओर गोम योर गोम

तोर गोम यलय वज़ान छु स ।।

गरि खोतह गरि म्य ल्वोत ल्वोत बोर गोम

हृद-कमलह वज़ान छु सू ।

पानहन्यार करिथई पननुय प्योर गोम,

तोर गोम यलय वज़ान छ सू ।।

सतगुरू रटिथ सुरतुक डोर गोम,

सहस्त्र-दलय वज़ान छु सू ।

येमि योर ज़्यव नय यथ तमि तोर गोम,

तोर गोम यलय वज़ान स ।

सुरत खसिथई कुनुय दोर गोम,

सुन्न-मन्डलह वज़ान छु सू ।।

पिन्डह त ब्रह्माडह अपोर गोम,

तोर गोम यहय वज़ान छु सू ।।

गाशी गाशी न्वोन चोपोर गोम,

वुछ न्यमलह वज़ान छु सू ।

सत सत शब्दुक कनन शोर गोम,

तोर गोम यलय वज़ान छु सू ।।

गोवेन्दस खुश पनुन गुरू गोम,

सर्वमंगलह वज़ान छु सू ।।

मिलविथ यारस मंज्युमयोर गोम,

तोर गोम यलय वजान छु सू ।।