पनन्यन कननई कनई दिवन
Swami Govind ji
पनन्यन कननई कनई दिवन.
इवन संदूर कत्यू इवन छु ।
पनन्यन साज़नई पानय कन दिवन,
इवन सदूर कत्यू इवन छू ।।
प्राणह स्थीत बोजन प्राणह स्यीत ग्यवन,
मज़दार ओमकार सूहम सू ।
निशकल बनिथ अमृत छि च्यवन,
इवन सदूर कत्यू इवन छु ।
प्राण अपानस मज़ कर हवन,
इथह ग्यवह नारस तेज़ रेह हवन,
वुछ स्वयम-ज्योती छि स्वयमभू ।
इवन सदूर कत्यू इवन छू ।।
परमहधाम इनाम तिमय छि निवन,
इमवई सारह शब्दय लबू ।
संत साध यूगी अथ्य हो छिवन
इवन सदूर कत्यू इवन छू ॥
इम गरू पादई रात दोह सीवन,
तिमनई हावी पनुन प्रभू ।
अनुग्रह कोरयो तम्य दीवह दीवन,
इवन सदूर कत्यू इवन छू ॥
म्य दया करमो सदाशिवन,
गोवेन्दह सायस छुय शम्भू ।
इमनह कथि वातन तिमय छिय रिवन,
इवन सदूर कत्तू इवन छू ।।