पानय साह्यब वुछ म्य आदम, साहिबो छुम कसम चोनुये

गुरूवई कुर वखुन ओमा ओम, अर्थस गछि तेलोनये

अज़पा गायत्रय गव सोहम, साहिबो छुम कसम चोनुये

पान्य पानस अवय पानस न्यम, सतव दोयुम कांह ना जोनये

पज्ययारयन हुन्द योहय छुय क्रम, साहिबो छुम कसम चोनुये

सारिज चेय कुन अवय छुय खम, प्रथ कुनि खोतह शूभहवोनये

सुय वुछिय थलि थलि यस च्वोलुय भ्रम,साहिबो छु म कसम चोनुये

साल्यकन छुय वज़न जीरोबम, नोनुय नाव हा ललहवोनये।

कालस भयि तिहुन्द तिमन कांह न गम,साहिबो छुम कसम चोनये

श्रोतो बोज़ छय अहम-ब्रह्म-अस्मय छुय प्रमाण प्रोनये ।

वीदकि डुमडुमुक यि डम डम, साहिबो छुम कसम चोनये ।।

पोज़ वन्योव मनसूर्य मन-खुदायम, जाहिलव तस ति मा मोनये।

तेलि काँह न नाहकय गेलि आलम, साहिबो छुम कसम चोनुये ॥

गोवेन्द अथ कथि गव महरम, मनसूर बोय ओस सोनये ।

पज्ययारेव अवय कोरयों छोपह दम, साहिबो छुम कसम चोनुये ॥