आयस थानम प्यठ अथह थोवहय सायस सतगुरू रुद्यये ।।

निरजजन सुन्द दर्शन करिथई, ओमकारस पान आलवई।

आलव वसिय आलव रटिय, वातनाविय आलवई ।।

ओमकुय शब्दई स्यठा मधुर, अमृतह सदुर ज़न दामह चव ।

सीरिय त्रफतिय तिमन तिछई, इमन आलव तोरह गव ।।

ओमुक साक्षात्कार करिथई, सुन्न-मंडलस नेरुनूय ।

मानसरय श्रॉना करुनुय, हंसन स्यीत्यन फेरुनुय ।।

मंडल मंडल बंग ब्योनुय, गुरूव वोनुय स्यीत तथ रोज़ ।

पाँचन नावन कुनुय म्वज़िय, रातर-द्यनई तिमय बोज़ ।।

सोहम सोहम सोहम सोहम, मधुर वानी वज़ानये।

संतई अम्यूक महिमा जानन, नतह क्या जानन अज़ानिये ।।

संतव अनग्रह कोर गोवन्दस नतह आसन तमिसति चंदस हार।

संतई दयाल संत छिय क्रिपाल, संतन बोयिन नमस्कार ।।