सुख प्रोव वातिथ गुरू-धामय, सुख प्रोव वातिथ गुरुधामय ॥

पृथवी मंडलह खत्य आकाशस,

गटह चज्य गाशस स्थीत्यन ग्युन्द

पथवी आकाश गटह गाश पथ त्रोव,

सुख प्रोव वातिथ गुरू-धामय ।।

सतशब्दनई कनई दारिथ,

खारिथ ब्रह्मांडस प्राणई ।

मारिथ मनई पान तस्य पुशरोव,

सुख प्रोव वातिथ गुरू-धामय ॥

सतगुरू शब्दई सुरतई चेहलय,

वति वति वथ हाव सतशब्दन ।

नाना शब्दन शब्दो मोच्योव,

सुख प्रोव वातिथ गुरू-धामय ।।

हंसन स्यीतीय वुफना करिथई,

बरिथई प्रयमह स्योती मन।।

हंसव पखवई रोस्त पान वुफहनोव,

सुख प्रोव वतिथ गुरूधामय ॥

गटह चज्य गाश आव गाशि मंज़ह गाश द्राव,

सिरये प्रज़ल्योय रातर-द्यन ।

हृदयुक पम्पोश संतव फोलहनोव,

सुख प्रोव वातिथ गुरू-धामय ।

सरह कर सुय घरह कति आव इह जीव,

योर कोत लोगमुत परमय दीव ।

परदीसह पोत फीर्य सतगुरूवई होव,

सुख प्रोव वातिथ गुरू-धामय ॥

करह हा न कांह कथ तोरनि छ हरकत,

सासन कथन कुनिय कथ छय ।

ग्यविहे न गोवेन्द गुरूवई ग्यवनोव,

सुख प्रोव वातिथ गुरु धामय ।।