तमि अालमुक पालवई
Swami Govind ji
तमि आलमुक आलवई गव यस कनन ।
तस्य ननन गोवेन्दह छोपह कर केंह म वन ।।
अथह थोवहय शेरि अछिनई गाश आव,
गटह चजियो ड्यकह मंजय सिरयि द्राव ।
यस सतगुरू टोठि तस दपान ड्यकह बोड छु नाव ।।
पाद सतगुरू संद्य सदा सीव याद थाव
तस्य ननन गोवेन्दह छोपह कर केंह म वन।
परदह तुलहय दर्दह स्यीती सतगुरूव
राजह यूगई हाविथई भाविथ चे गव ।
वुज़ प्रणव सन्तव मुनियव ऋषव ।
छुय वज़न रातर-द्यन न्यत कन न थव ।
तस्य ननन गोवेन्दह छोपह कर केंह म वन ।।
माय बरहय छाय करहय दूरये,
कोरयो अनुग्रह सतगुरुवई पूरये ।
नूरसई स्यीत मिलहनोवहय नूरये ।
करनह रोस्तुय कोरहखय मन्जूरये ।
तस्य ननन गोवेन्दह छोपह कर केंह म वन ।।
वुछतह जूला क्या अजायिब छुय दज़न,
बाजि मुर्ली बीन सेतारय वज़न ।
आरह पाँछोल जन छु दरियावा ग्रज़न ।
शब्दह अभ्यासस मंज़ यूस हो सज़न ।
तस्य ननन गोवेन्दह छोपह कर केंह म वन ।।
वुछ क्रुहुन जरदई सब्जय न्यूलये,
क्या मनोहर छुय सफेदई जलये ।
लाजवरदी सुनहरी वोज़लये ।
बोज़ सतगुरू शब्दई अनमोलये ।
तस्य ननन गोवेन्दह छोपह कर केंह म वन ।।
सूबह शामस प्रथ प्रभातस कर च हैल,
सत नावस मनसई मंज़ बर च मैल ।
शब्दह गुरिसई खसू गगनस कर च सैल ।
यूस बनिय मजनून रातई जानि लैल।
तस्य ननन गोवेन्दह छोपह कर केंह म वन ।।
यस मुचरुख तोरय तोय दरवाजये,
तम्य बूजय सत्यलूकुक साज़ये
पज्य पाठ्य गोवेन्दह सुय छुय राजहये ।
तस्य ननन गोवेन्दह छोपह कर केंह म वन ।।