मज़हबन लिह्य व ज़हरि कातिल कांह ना छ्य
मज़हबन मंज़ युस फस्योद्य सु न तोर मन्जूर हय ॥
हचेह सारिन्य मजहबन यूथ यूथ करन ।
मजहबन पज्ययोर ल्वोद वुछ दारसई मनसर हय ॥
आशिकन हुन्द मजहबई मिलते खूदा।
तिम ना कुनि मिलतन छि पाबन्द मजहबन निशि दूर हय ॥
मजहबव अन्धा दुन्दुई तुल आलमस ।
आशिकन बओन जानि आशक, नतह बेयन निशि दूर हय ।।
मजहबन पंज़ छुय फकत बगजो हसद ।
वाति हय पज्ययोर मारुन क्या करेयन चूर हय ।।
भ्रम मे कोसुम आरिफवई मायंफत मस चोवहस
दूर सपूद वसवास सोरुय आव दिलस सरुर हय ।।
सार्य मजहब मईन साँपज काँसि स्यीत नफरत न छम ।
जामि इन्सान छय सु वलिथ गटह चलिथ नूर हय ।।
आशिकव प्रथ तरफह दित्यहस सज्यदह वुछ ।
निशि तिमन हिय वू उतर दक्षिन पश्चिमह पूर हय ।।
आशिकस रोस्त काय ना मन्जूर आशिकन केंह नय गरुर ।
नूरि हक वुछन चोपारीय तिम ति साँपञ नूर हय ।।
न्यबर्य गोवेन्द बा मज़हब दिलह किन छ ला मज़हबई ।
आशिकन तसला छु गोमुत मज़हबन हुन्द पूर हय ।।