लोलो च्यह नो मज़हब मिलत, मिलतन सारिज दिवथ लथ ॥

लोलो न बे इनसाफ साफ, वलियन ति फुटराविथ च्यह लाफ।

लोलो न बे पर्वाय स्थठा, ह्यि वूय च्यह निशि शाहो गदा।

लोलो चान्य ईशारनई, क्या कोर परहेज़गारनई ।

लोलो न बे दीन काफरई, ह्यि वूय च बातिन ज़ाहिरई ॥

लोलो कोरुथ देवानह दिल, ह्यथ गोहम म्य पानह दिल ।।

लोलो यस गोख मेहरबान, न्यूथन वूडानई लामकान ॥

लोलो च्यह साज दूरिय सलाम, सारिय चानिय छिय गुलाम ।

लोलो च्यह ह्यि व ताकवरई, छुम मा च्यह पेठय काँह अफसरई ।।

लोलो च्यह हिय व न सैलाब नार,

बड्य वीर माननाविथख च्यह हार।

लोलो पनन जोर हाविथख, ऋिष ब्रह्मादिक ति पाविथख ।।

लोलों च छुख  सख्त बे हया, पर्वाय न कुनि चीजुक ज़रा।

लोलों च यो नुय पोज़ खुदा, करहना च्यह बो सर फिदा ।।

लोलों च्यह न्यथम दिल थपे, यि क्या कोरथम कुस च्यह दपे ।

लोलों च्यह  रोस्त नो काँह बकार, च्यह नाव मापर्वरदिगार ।।

लोलों फोरुख गोवेन्दसई लूठा कोरूथस वन्दहसई ।।