गिन्दु शिज मैदानह बाले, गोफि पनने त्रास दम्माले,

खसू सोशमना मार्गह किञ, वासना तति गछि न भासाञ, 

सतगुरु कृपा गछि आसञ, नतह कह ना बनि यालि तय चाले

मीलिथ कुलसई वछ गोफई, शिव जान सोर मन गछि रोफई

सूहम परतह अमिय ज़फई, दिह अभिमानस युस जाले ।

तारागन सिरयि तय चन्द्रम, अमि रोस्तुय गाश तति शब्नम ।

प्यवान तति छुय त्युथुय शम, बूज़िथ तोफह प्रनवचि ताले ।।

ड्य ठुम मुतुय कोर नालहमुतुय, तम्य कोरुय युस तोतुय खोतुय ।

ह्यरि बोनह सुय गोसोञ छोतुय कर्यज़ि पूज़ तस ब्वोज़ पोशिमाले।

तस शिवस नालहमुत करिथ, गोडन्यथ शिवोहम परिथ ।

यिथि लोलय सु गछि वरिथ, प्रेयमह ओश यस वसि नालि,नाले ।

इथि करनय कुन गछि च्यह त तस, गलनय च्यह सारिय वस वस।

मुत बनिथ गछख बेह्यस, श्वास-उश्वास युस सम्बाले ।

शिजि प्यठय युस गछि टिकन, अछह-रछन स्यद्धचन न छिकन ।

न्वोन नो करि सू निशि लूकन, कति ह्य कि इन्दर तस डाले ।

जेनि मनई मंज़ई दमन, करि लुकालूकन गमन ।

अपजिस प्यठ सु छुनह भ्रमन, च्वोक मोघुर यूस ग्वाह चाले ।।

खोन मो कहरस ब्रठ कुन पख, आसि शिहल या गरम सख।

कर उद्य ग कुनि नो दिजि थख, सतगुरू वाक्यन यस पाले ।।

वोथन वज़मलह ओबरह बगैर, खुश रोज़ पख बर्यज़िन तगैर ।

केंड त परवाय करुन गाछ धय, गरा जल यि मंज्य शोलह वाले ।।

यारह बलह नांव  बरह तलह पालिख, डोलन तस यूस छय सालिख।

चालिथ दुख सुख  सूय मालिख, काम क्रोध लोभस सूय गाले ।।

गोवेन्दो पान  मो मशिराव, इम सारिय वस वस चई त्राव ।

प्राव जुवो सर्व आत्मभाव, गिन्द पान्य पानस स्यीत हाले ।।