अचू अन्दर शेर बन्दर, ब्यन्दह किनिय वथ छयो ।

चेय अन्दर छु यूग्यन्दर, ब्यन्दह किनिय वथ छयो ।

गुरू अदह भावीय स्वय कथ, प्रक्रथ येलि छलखई ।

ह्यस ह्यथ खस ब्रह्महरोन्दर, व्यन्दह किनिय वथ छयो ।

वुछ सतगुरू खस गननस, सतपुरूशस कर प्रणाम ।

मंज़ कमलस शुक्लह-सुन्दर, ब्यन्दह किनिय वथ छयो ।।

सतचित गुरू छय अन्दर, आनन्दह समन्दर ।

अति सुन्दर मन मन्दर, ब्यन्दह किनिय वथ छयो ।

वुछ कनव स्यीत, बोज़ अछव स्यीत रोज़कन दिथ छिय वनन ।

ऋिषि मुनीश्वर संत कलन्दर, ब्यन्दह किनिय वथ छयो ।।

अथि तस आव करि यूस सरह, अरह-सरह तस चल्ययो ।

गोवेन्दह घरि छुय समन्दर, ब्यन्दह किनिय वथ छयो ।।