मसह च कथ गोख शूक त्राव, महिमा पननुय याद पाव ।

चेय मंज बसिथ कुल देवता, सतपुरुशी-ताज वुछतह क्या।

नमो नमः छुय याद थाव, महिमा पननुय याद पाव ।।

चेय छिय ग्यवान शास्त्र त ग्रन्थ, सारिय संत तय सारिय पन्थ ।

बेअन्तह अन्त चोन नो काँसि आव महिमा पननुय याद पाव ।।

हंसन स्यीत मंज़ दमसई, वुफि वातखई आगमसई ।

चई राजह हंसई छुख न काव, महिमा पननुय याद पाव ।।

संगस ह्य व नो काँह बली संगह दूशि स्यीत बड्य वीर डलिय ।

स्वय बेकली त्राव कर मो ग्राव, महिमा पननुय याद पाव ।।

संत यथ वनान अन्नाम बोज़, सतज़त त साध सतनाम बोज़ ।

सतधाम बोज़ अथ्य क्या छु नाव, महिमा पनुनय याद पाव ।।

चटिथ नो ह्य कि हथियार चेय,जालिथ नो ह्य कि काँह नार चय।

गालिथ नो पोञ होखहनावि वाव, महिमा पनूनय याद पाव ।।

वीद छिय ग्यवान निर्द्वन्द चेय, पूरण हा परमानन्द नेय ।

गोवेन्दह नेय गोवेन्द छु नाव, महिमा पननुय याद पाव ।।