दि दर्शुन भक्तिवत्सलो, वलो लगहयो म्य लोल हो आम।।

मरय सीनस करय नतह चाक, च हरगाह योर जल नय आख ।

मलय खाक रटह ब जंगलो, वलो लगहयो म्य लोल हो आम।।

दिवान छिम चाने पामय, म्य सारिय शहरह तय गामय

बु बदनामय छुसय अल्लो, वलो लगहयो म्य लोल हो आम ।।

मुलुकह मंज़ह द्रास बो फटिथ, छना वा वन च जामह चटिथ।

खटिथ मो रोज़ दयो दल्लो, वलो लगहयो म्य लोल हो आम ॥

हतो बु मरय अदह फेरिय, म्य नो जॉह चोन यि शर नेरिय।

करख यारिय करु जल्लो, वलो लगहयो म्य लोल हो आम ।।

म्य छम हदह नीरिथई चोन राग, च दुशमन ओरह मो म्य लाग।

हितन मो ज़ाग हाँचलो, वलो लगयो म्य लोल हो आम ।।

अगर नय इख गछ्ख बदनाम, मुलकस मंज़ चे रोज़िय पाम ।

वलाम मो अन न डाँबलो, वलो लगयो म्य लोल हो आम ।।

गोछु य याँ चे गछ नम्योन ह्य व ननिय त्येलि क्या करान सोन ज़व।

च द र्शुन द्य व बुहो बलो, वलो लगयो म्य लोल हो आम ।।

गछान छिम गित्य वदान वदान वसान छम ओश अछन दारे ।

बुछान छुख ना बु मा गलो, वलो लगयो म्य लोल हो आम ।।

चे कम्य वोन दीनदयालय, त्येलिय आसिहीय म्योन ति खयालय।

जलालय हाव बु हा बला, बलो लगयो म्य लोल हो आम ॥

इतम सन्मुख त्वता करय, मने मज़ छुम युतुई शरय ।

करय पूज़ नेत्रह कमला, वली लगयो म्य लोल हो आम ॥

सुलिय पानई कोरूय ज़िमय, दिमय मीठि च्ये परण प्यमय ।

दिमय ग्वोड अशिके ज़लो, वलो लगयो म्य लोल हो आम ॥

चे रोस्त काँह नय दर्दमन्द, दया करबा च दयास्यन्द ।

गोवेन्द कोलनि दरदिलो, वलो लगयो म्य लोल हो आम ॥