चोनुय रोटयो दमानय, दशुन दि असिति भगवानय ।।

वोद अरदाह पुराणय चोनूय गीत ग्यवानय ।

शरमन्दह छिय च्यह ललवानय, दर्शन दि असिति भगवानय ।।

दिनहबंधह छुस मन्दछानय, बानह रस्यत्यन दितह बानय।

दातह चेय छिय मंगानय, दर्शन दि असिति भगवानय ।।

कर्मह धर्मह ा न छुस दानय, भक्ति यूगह ह्य न छुस ज्ञानय ।

जानय न संद्या श्रानिय, दर्शन दि असिति भगवानय ।।

भक्तिवत्सल छुख पानय, शक्ति पातह सर्व शक्तिमानय।

करुन्य सोन छुय बहानय, दर्शन दि असिति भगवानय ।।

भक्ती हुन्द दितह दानय, स्यद्ध बनि असिति चोन ध्यानय ।

अनुग्रह कर छि अनज़ानय, दशुन दि असिति भगवानय ।।

वीद शास्त्र नो ज़ानय, तमिकुय दिमय प्रमाणय ।

कर दया ही दयावानय, दशुन दि असिति भगवानय ।।

कम्य जोन चोन यि कारखानय, सारिय अति छि हैरानय ।

दमबखुद गयि देवानय, दशुन दि असिति भगवानय ।।

सत साध छिय छारानय, चोनूय ध्यान धारानय ।

तिमनई छख च टोठानय, दर्शन दि असिति भगवानय ।।

स्येद्यन हन्दि सायिबानय, प्रथ काँसि चई रछानय ।।

तिमनई स्यीत च फेरानय, दर्शन दि असिति भगवानय ।।

वन्दय प्राण प्राणकि प्राणय, होश दिम ज्ञानकि ज्ञानय ।

जनमन हंज चल्यम हांनय, दर्शन दि असिति भगवानय ।।

आरई छुय नो इवानय, बेकास छुस ब रिवानय ।

वनतम कति च आसानय, दर्शन दि असिति भगवानय ॥

सोज़ पननुय वेमानय, प्रावहनाव शिवह निवनिय ॥

वातह चेय निशि न्यशकामय, दशुन दि असिति भगवानय  ॥

सरस्वती माज्य वनहवानय, गोवन्दने मुखह पानय ॥

कन थाव बोज़ लोलह सानय, दशुन दि असिति  भगवानय ॥