मुत यावून कोतये गोम, ब्रोठ जोनमस नय कदर ।

बेयि इयिना दोह तारय, लोकचारस वन्यतवे ।।

तन दिमहा मन दिमहा, धन दिमहा सोय

मेलिना मोल्य लोलह सोदा बाज़ारस वन्यतवे ।।

टास येस्य आव तस्य अकिस आव, नतह सदा बूज़ सारिवई ।

टासह स्यीतीय क्या छु सपदान, शिकारस वन्यतवे ।।

चानि दर्शनह स्यीत बलय, सुय मे छुम दादिस दवा

कदर सेहत क्या छु आसान, बेमारस वन्यतवे ।

गोवेन्द छुय इन्तिज़ रस, बालह यारस वन्यतवे ।

प्रारान छुस इन्तिज़ारस, दीदारस वन्यतवे ।।