नामह रुपह रस्यत्यो वन्दयो ब जान

पूजायि लागय मन बद्ध त प्राण ॥

नय जानह श्रान तय नय संद्या,

नय जानह पाठ तय नय पूजा।।

दया करतम छुस ब मन्दछान,

कुञिरुक सीर कस भावख चई,

पूजायि लागय मन बद्ध त प्राण ।।

सूय जानि यस बनि क्या छु बनान,

हैरतुक तीर आय गजिय दुय ।

पूजायि लागय मन बद्ध त प्राण ।

येतिनस चई बुई गलन छि दुय,

नाव तथ आलमि हैरत छुय ।

रिन्दह छिय अथ जायि ज़िन्दय मरान,

- पूजायि लागय मन बुद्ध त प्राण ।।

वीद अथि ल्वोगमुत छुय पन्थन,

युथ हाल गुज़रचोमुत छु सन्तन ।

इम वथ्य तिम गयि अति हैरान,

पूजायि लागय मन बुद्ध त प्राण ।।

युगी छि ज्ञञानह गङ्गायि पंज,

तन छिय नावान कर चति संज।

तन मन नाविथ गछ निर्वान,

पूजायि लागय मन बुद्ध त प्राण ॥

नय धीन नय मन जीव ईशृर,

रिन्दो वुछ चई छुख आश्चर ।

स्वप्रकाश ज़ोन असि पननुय पान,

पूज़ायि लागय मन बुद्ध त प्राण ।।

रिन्दो थव ब्रह्मह आकारह वृत,

अभोक्ता रोज़ चई ख्यत च्यत ।

आदि दीवह गोलुथ दिह-अभिमान,

पूज।यि लागय मन बुद्ध त प्राण ।।

सतसंगह नावि क्यथ भवहसरह तर,

गोवेन्दह दुय त्राव छुख अमर ।

न्यस्त्रगुणी शिवई चोन थान,

पूजायि लागय मन बद्ध त प्राण ।।