दय नो वुछान यालि चालि ग्राये,

वुछान सु अन्द्रिमि राये कुन ।।

दय नो वुछान अथह बुथ छल स,

वुछान न दय प्रेनि केहनि कायाये।

वुछान सु मनि दुय चलनस कुन ।

वुछान सु अन्द्रिमि राये कुन् ।।

दय नो वुछान वननस त प्रननस,

बुछान सु सननस त सोरनस कुन ।

दय नो वूछान धनह-ध्यार-धाये ।

वूछान सु अन्द्रिमि राये कुन ।।

दय नो वूछान कम ज्यादह परनस,

बुछान सु तथ अमल करनस कुन ।

दय खोश स्यज़रस पज़रस माये ।

बुछान सु अन्द्रिमि राये कुन ।।

दय छुनह बुछान वर्णाश्रमसः

वुछान सु मिटनस भ्रमस कुन ।

समशय गलनस त बेयि वासनाये।

वुछान सु अन्द्रिमि राये कुन ।।

दय छुनह वुछान रजह कथह करनस,

सु वूछान जिन्दय मरनस कुन ।

धर्मव मंजह वूछान छ्य अहिंसाये ।।

वुछान सु अन्द्रिमि राये कुन ।।

दय नो वुछान जाच तय नावस,

वूछान सु भक्ति भावस कुन

माये वुछान खोतह पूजाये ।

वछान सु अन्द्रिमि राये कुन

दय नो वुछान ख्यन्स त च्यनस,

दय वुछान छुयो मनस कुन

यस टोठि तस बुछिनह कर्मलीखाये ।

वुछान सु अन्द्रिमि राये कुन ।।

दय नो वुछान व्रत न्यति दरनस,

वुछान छु सुय शरणस कुन

गोवेन्द वोरयो दयि सन्ज़ि दयाये ।

वुछान सु अन्द्रिमि राये कुन ।

               ***

गुरुप्रसाद के बिना कोई साधक कभी कृतकार्य नहीं हुआ ।श्री गुरु की चरण-धूलि में लेटे बिना कोई भी कृत्कृत्य नहीं हुआ । श्री गुरु बोलते-चालते ब्रह्म है।