सतगुरुह चोलमय सुलि वुज़नाविथ,

मस गोम चा वथ खोत खुमार ।।

हाल यि वनहस सीनह मुचराविथ,

ललहवून जलहवुन लोलुन नार ।

थोवनम वा कस ह्यकह बो हाविथ,

मस गोम चाविथ खोत खुमार ।।

लोलच्य रेह सूर गोम तचराविथ,

इयिना बलहा छस ब बेमार ।

बेआर यार गोम सीरा भाविथ,

मस गोम चाविथ खोत खुमार ॥

मंजिलस सुलिय अस्य पेयि वातिथ,

सूर चकर चोलुम आजार ।

बारि बोर ओस थोव गाठ वातहनाविथ,

मस गोम चाविथ खोत खुमार ।।

व्यचारह तोन्दरय गोम तचराविथ,

माज़च्य बोय नय रूज़म न हार ।

अभिमानह कबाबह गोम न्यंगलाविथ,

मस गोम चाविथ खोत खुमार ।।

तन मन थाव्येम जान पाठ्य नाविथ,

पूरक कुम्बक बारम्बार ।

येछि पछि भावह जामह रूद्य पैराविथ,

मत गोम चाविथ खोत खुमार ।।

संकल्पह विकल्पह रुह खारिथ,

स्वरतह जुवह वारह पाठिय ओमकार,

गछख येते परमह गथ प्राविथ

मस गोम चाविथ खोत खुमार ।।

यि कथ पतिम छय मुकाविथ,

पान सान दय जान इय व्यचार ।

येम्य जोन सुय केंह न गव रावरा विथ,

मस गोम चाविथ खोत खुमार ।।

वारह गोवेन्दह ह्यकतह पान परज़हनाविथ,

प्रज़नाव तोर नो बोज़ रफतार ।

त्रशिवय तापई रूद्य शेहलावथ,

मस गोम चाविथ खोत खुमार ॥

                       ***

दर्षन स्वछ होने पर मुंह दिखाई देने लगता है, उसो प्रकार हृदय के स्वछ होने पर उसमें भगबान का रूप दिखाई देने लगता है।