संतन हुन्दुय नित दर्शुनुय, सतसंग सत वेचार दिम ।

शक-शुबह रोस्त अप्रोक्ष ज्ञान ब्रह्मात्मह साक्षात्कार दिम ।।

जेय हो लगय पनने जुवय, चरनारब्यन्द चानीय सीवय ।

बोजम शिवह ही कीशवह, भवह-स्यन्दसई मे तार दिम ।।

प्रतिबन्द सारिय कासतम, दीवह सदा खुश आसतम ।

च अख ब अख मतह भास्तम, कासिथ योहय दोगन्यार दिम ।।

दयालह वरतम छस अनाथ वेशिनारपन कर शक्तिपात ।

भक्तन हन्दुय चई पारिजात, संतन हन्दूय दरबार दिम ॥

अविद्यायि मंज़ सोय जगत, निब्रत तिमन इम चाज भक्त।

समवित तिमन छय चाा सथ, कासित मेत्ये अंधकार दिम ।।

रातरधन उदगीत ग्योव, ऋषियव मुनियव यूगियव ।

खुलह गोख आत्म अनुभव गुरू शब्दह ओमकार दिम ।।

पापन सारिज नाश गोख, निर्मल च्यत आकाश गोख ।

सतगुरू कडिथ हय वाश गोख, सहजह यूगुक सार दिम ।।

अनुग्रह यस चोन आसि ज़ोर, साम विदह दीवह स्यीतआव तोर।

हीरजागर्भसई अपोर, करिथ मे अपरम्पार दिम ।।

बिजली रोशनई चोपोर, सिरियह करोरन हंद्य करोर,

बिजली सवारई वाति तोर, सुरतई करिथ हुशियार दिम ।।

शब्दह सवारई वाति तोर, जीतन करिथ हुशियार दिम।।

खुश शिवह शक्ती गोवेन्दस, जीवन मुक्ती गोवेन्दस

अभीदह भक्ती गोवेन्दस, पननीय बारम्बार दिम ।