ही सदाशिवह सानि बापत अवतार धारुन प्योवुय ।

दास उदास आस्य गमत्य दुख निवारुन प्योवुय ।।

शरण ने आगरसई गसई, कठिनिस भवसरमई,

तारस तारुन प्योवुय ।।

वेलहनोवूथ सत त असत, अन्दह वन्दह हावथ चे वथ।

सानि हितकारह बापत वीद व्यसतारुन प्योवूय ।।

नालह मति चानि दिम न गम ह्यथ मटि मटि कयंथम।

कस वनह बो यि आलम शानन चे सारुन प्योवुय ।।

दासन मंज़ बुति छुस अख, नतह छिय लाखो लख।

नालायक म्य ह्य व अख पानय चे छान प्यौवूय ।।

सोरुय चे छुय हवालय, लालय कपालय ।

भक्ति वत्सल ही दयालय ओरय चे यारुन प्योवुय ।।

दास आयिय दार्य दार्य मुर्य, कास्यथख करमञ खर्य।

शर्य-बाशन आधीनन कन चे दान प्योव्य ।।

होशि वाल्यन मतिनई, ह्य तिनई त अनह्य तिनई।

भक्तिनई लोलह हतिनई, पतह पतह ल रुन प्योवुय ।।

शभह दर्शन असिति गोख दिथ, दया पननिय करिथ ।

योत तामत न मोकालाविथ 'तोततान प्रारुन प्योवुय ।।

नर शरीर आख धारिथ, दासन गोहम वरिथ ।

तारिथ भवहसरह सारिय, प्रथ कांह गारुन प्योवुय ।।

पज्य पाठ्य सुबह शामस, ललहवून सतनामस।

परमह धामस त अन्नामस गोवेन्द खारन प्योवुय ।।