बर्यम लोल कर्यम न तारि , म्येति हो तारि सदाशिव ।

सानि बापत अवतार धारि , सारिनई यारि सदाशिव ।।

दासन हँदि पासय यारि , पानय गारि सदाशिव ।

गम नय तस यम कस मारि , म्येति हो तारि सदाशिव ।।

शोमरिथ मन न्यमरिथ कारि , ओम शनारि सदाशिव ।

न्यत वथित पतिमे प्यारि, म्येति हों तारि सदाशिव ।।

सदा द्य त म्य पनने तारि , ओरय छारि सदाशिव ।

दासन पतह पतय लारि, म्येति हो तारि सदाशिव ।।

बाजे मंज़ सु कत्यू हारि, युस करि कारि सदाशिव ।

लोलह स्यीत ओश वसि दारि दारि ,म्येति हो तारि सदाशिव।।

लोलह हिय फोज्य हृदयिचि वारि , तथ कलह धारि सदाशिव।

लोलह पोश युस तस कित्य छारि, म्येति हो तारि सदा शव।

सू तस होरि युस यस दारि, च्येति हो छारि सदाशिव ।

सारिनई पनभि पनजि अनवारि , म्येति हो तारि सदाशिव ॥

गूरू-शब्दस खस सवारि , प्यठ ताकह दारि सदाशिव ।

पोशिनल बल्य वन्य वनहारि , म्येति हो तारि सदाशिव ।।

शिवई छ्य साने पारि , बोज़बा प्यारि सदाशिव ।

यस युथ गुरू सु कत्यू थारि , म्येति हो तारि सदाशिव ।।

नालायक छुसस बारि , शानन म्य सारि सदाशिव ।

गोवेन्दस खेनि क्यथ तारि , म्येति हो तारि सदाशिव ॥