तस क्या करनय यम यमकेंकर यस शेवह शंकर वरिय हो।

त्येलि कति गटह रोजि येलि खसि भासकर सहज भाव प्रावि मरि हो

बिहिथ रोज़िय या त्राविथ लर, यस शेवह शंकर वरिय हो ।।

संतव ब्वोर लोलुय चतीय तस बर, तस निशि काल कति दरिय हो

अमृत सु चाविय हाविय सु बजर, यस शेवह शंकर वरिय हो ।।

उत्तम सारिनई मंज़ तिमय नर, येम्य बोब सु पननी घरीय हो।               

सार्यसई मंज़ रूजिथ सार्यसई न्यर, यस शेवह शंकर वरिय हो ।।

गोवेन्दह शिवई चोनूय सतगुरू,अनूग्रह च्यह पननूय करिय हो।

त्रन लूकन मंज तस काँह नय डर, यस शेवह शंकर वरिय हो ।।