दया सागर दया करतम हरीहर,

पथ्थर पेमतिस म्य थोंद तुलतम हरीहर।

खोरन तल पन्न्यन वरतम हरीहर,

पथ्थर पेमतिस म्य थोंद तुलतम हरीहर ।।

1

नमस्कार शिव शम्भू छुस ब अदीन,

ब् अज्ञअनी कॉकरमी तय करमहीन।

नमस्कार ओम नम: गरिधर हरीहर,

पथ्थर पेमतिस म्य थोंद तुलतम हरीहर ।।

2

च र्सवव्यापक चूनुय गाह सिरसय,

बिहित छुख चूरि जीवन मन्ज़ हृदयस।

गुलन तय बुलबुलन मन्ज़ च्य हरीहरू,

पथ्थर पेमतिस म्य थोंद तुलतम हरीहर ।।

3

जहानस सअरसय मन्ज जलवगर चय् ,

 त्रेजगत चूनुय बिहित छुख बरतर च्य।

करान शिव ध्यान सौरान योगी हरीहर,

पथ्थर पेमतिस म्य थोंद तुलतम हरीहर ।।

4

च रूजी सारनिय छख वातनावान,

गरीबन तय अमीरन बअगरावान।

नमान चेय कुन सअरी पयहम हरीहर,

पथ्थर पेमतिस म्य थोंद तुलतम हरीहर ।।

5

च गग्रायन अन्दर तय वुजमलन मंज,

छु आलीशान मान चून मन्दरन मंज ।

जिन व इन्सान सौरान हरदम हरीहर,

पथ्थर पेमतिस म्य थोंद तुलतम हरीहर ।।

6

ब्रम्हा, विष्णु जटादअरी च शंकर,

 ' च वीद ओंमकार बॅय मुरली मनोहर ।।

च् व्यापक सारनिय रूपन हरीहर,

पथ्थर पेमतिस म्य थॉद तुलतम हरीहर ।।

7

चे सअरी छिय वनान केलास वअसी,

जगत चूनुय छ सअरी चअन्य दअसी।

कूनुय छुख छिय वनान केवल हरीहर,

पथ्थर पेमतिस म्य थोंद तुलतम हरीहर ।।

8

तूही माधव तूही यादव त् केशव,

तूही उमापती शिवनाथ ही शिव ।

तूही गणश्याम दामोधर हरीहर,

पथ्थर पेमतिस म्य थोंद तुलतम हरीहर ।।

9

कोंकरमव सअत येलि धरती गोबान छय,

यिवान अवतार दअरित चूय करान खेय ।

करान छुख रअछ च्य भक्त्येन हरीहर,

पथ्थर पेमतिस म्य थोंद तुलतम हरीहर ।।

10

सोदामा ओस गोमुत कूत लाचार,

तोता चअनी करान हरदम त् हरबार।

दया कअरथस तिथिस वख्तस हरीहर,

पथ्थर पेमतिस म्य थोंद तुलतम हरीहर ।।

11

करान फरयिाद ज़अरी छी यि भक्ति,

अमिस रोज़ चिय सहायक कास सख्ती।

क्ष्णस मन्ज क्षेय करुस पापन हरीहर,

पथ्थर पेमतिस म्य थोंद तुलतम हरीहर ।।

दया सागर दया करतम हरीहर,

पथ्थर पेमतिस म्य थोंद तुलतम हरीहर।

खॉरन तल पन्न्यन वरतम हरीहर,

पथ्थर पेमतिस म्य थोंद तुलतम हरीहर ।।।